Pansin ko lang, madalas na problema ng kabataan ngayon ang buhay pag-ibig. Ang tipong, mamamatay sila kapag hindi nakibalikan ang irog nila. Iba na ang pananaw ng kabataan sa pag-ibig ngayon.
Hindi siguro nagkakamali ang mga matatanda tuwing sinasabi nila na mababaw na ang tingin ng kabataan sa pagkaroon ng relasyon. Kasi kung bibigyan mo ito ng pansin, mababatid mo na kahit elementary student pa lamang, may boyfriend o girlfriend na siya.
Siguro, hindi na rin natin masisi ang kabataan. Naiimpluwensyahan kasi tayo ng iba’t ibang bagay at tao, lalo na ng media.
Pero siguro magugulat ka kung may makikita kang bata na nagrereklamo na NGSB o NBSB siya. Ang bata mo pa, pero iniisip mo na yan.
Pero hindi ba na mas nakakagulat kung ang ibig sabihin pala niya ay “No Girlfriend Since Breakup o No Boyfriend Since Breakup”?
Isa siguro ito sa mga dapat iwasto. Nawawala na ang tunay na essence ng pag-ibig. Nagbago na si Ibarra at Maria Clara.
No comments:
Post a Comment